السلام عليكم ورحمه الله وبركاته
صلى على النبي ♥️
تاج محل
ركز معايا بقى يا باشا 
تاج محل هو ضريح انيق من الرخام الأبيض شيده الامبراطور المغولى شاه جهان و هو احد عجائب الدنيا السبع الجديده.
طبعا هتسألنى موجود فين دا ؟ هقولك موجود بأكرة بأوتار برادش بالهند أيوة انا بردو مفهمتش كدا بس المهم أنه فى الهند يعنى 
طب اتبنى ليه بقى ؟؟ شيده الامبراطور شاه جهان ليضم رفات زوجته ممتاز محل أيوة انا بردو استغربت الاسم زيك كدا دلوقتى و هى الزوجة الثالثة و التى تدله فى عشقها تخليدا لذكراها .
طب و بعدين ؟ بص يا عم وضع تصميمه فريق من المهندسين برئاسة المهندس المعروف بأحمد اللاهورى .
دا وصفه/ شيد بالمرمر الابيض على مصطبة . و أقيمت عند كل زاوية من زوايا المصطبة مئذنة متناسقة الأجزاء . يحيط بدائرة كل منها شكل رباعى . و تشغل الجزء الأوسط من البناية القبة الرئيسية و تحتها ضريح الأميرة و إلى جانبه ضريح زوجها و كلاهما مزخرف بالنقوش الكتابية .
شايفين الراجل عمل ايه لزوجته فكرنى ب نبوخذ نصر الثانى لما اتكلمنا عنه فى حلقة الأسطورة عن حدائق بابل المعلقه و انت بائس محدش بيعملك حاجة يا بائس هههه
نرجع لموضوعنا / و يعتبر تاج محل من اجمل نماذج طراز العمارة الاسلامى حيث يعرف على نطاق واسع بأنه جوهرة الفن الاسلامى فى الهند و إحدى الروائع الخالدة فى العالم .
و هو أسلوب يجمع بين الطراز الاسلامى و المعمارى الفارسى و التركى و العثمانى و الهندى .
و دا شكله/ 
لو ربنا كرمك و فكرت تروح الهند متنساش تزوره بقى 
تحذير هام !!!
المرة الجاية ان شاء الله هسأل فى اللى فات هههههه و هعاقب اللى هيغلط
يارب الموضوع يعجبكم و ميكونش ممل ♥️♥️♥️
دمتم موفقين احبتى (｡•̀ᴗ-)✧
